وەزارەتی دارایی و ئابووری حکومەتی هەرێمی کوردستان خشتەیەکی نوێی مووچەی بڵاوکردەوە و بەپێی خشتەکەش لە سێ رۆژی داهاتوودا مووچەی سەرجەم دامودەزگاکانی ئاسایش دابەش دەکرێت.

بەپێی راگەیێندراوەکەی وەزارەتی دارایی و ئابووری، بڕیارە رۆژی دووشەممە و سێشەممەی ئەم هەفتەیە مووچەی مانگی تەمموزی دەزگای گشتیی ئاسایش دابەشبکرێت.

هاوکات هەر بەپێی خشتەکەی وەزارەتی دارایی، بڕیارە رۆژی چوارشەممە مووچەی مانگی تەمموزی ئەنجوومەنی ئاسایش دابەشبکرێت.

ئەمە لەکاتیکدایە ئەمڕۆ یەکشەممە 4-9-2016، کۆتایی بە دابەشکردنی مووچەی مانگی تەمموزی هێزەکانی زێرەڤانی و پۆلیسی ئامادە هات، بڕیارە بەر لە هاتنی جەژن خشتەیەکی دیکەی مووچە بڵاوبکرێتەوە و مووچەی زۆربەی دامودەزگاکان و وەزارەتەکانی حکومەتی هەریمی کوردستان دابەش بکرێت.








رووداو