به‌رپرسی راگه‌یاندنى به‌ڕێوه‌به‌رایه‌تى هاتوچۆى گه‌رمیان، گیان له‌ده‌ستدانى منداڵێك‌و برینداربونى دایك‌و باوكى به‌هۆى روداوێكى هاتوچۆوه‌ له‌سه‌ر رێگاى كه‌لار ـ ده‌ربه‌ندیخان، راگه‌یاند.



نه‌قیب كارزان مه‌جید، به‌رپرسی راگه‌یاندنى به‌ڕێوه‌به‌رایه‌تى هاتوچۆى گه‌رمیان، به‌ئاژانی هه‌واڵى (باسنیوز)ـى ڕا گه‌یاند :" ئه‌مڕۆ هه‌ینى 2ى ئه‌یلوول، ئۆتۆمبێلێكى جۆرى (باجیرۆ) له‌سه‌ر پردى (قه‌ڵاتۆپزان) له‌نزیك گوندى ئاوه‌خێرى سنوورى شاره‌دێی باوه‌نوور، كه‌وته‌ خواره‌وه‌".



له‌ ئه‌نجامدا، منداڵێك گیانى له‌ده‌ست دا و دایك‌و باوكیشی به‌سه‌ختى برینداربون.



هه‌روه‌ها گوتى "منداڵه‌كه‌ ته‌مه‌نى ته‌نها 23 رۆژه‌و له‌ڕه‌گه‌زى نێره‌".
BAS NEWS -