خۆڵەبان..کارێکى کۆن و کلتورییە و تائێستاش بەشێک لە گوندنشینەکان بۆ لە دروستکردن و داپۆشینی سەربانی خانووەکانیان پشتى پێدەبەستن.

خۆڵەبان بە زۆرى بە هەرەوەزى دانیشتوانى گوند دەکرێت و ئەوەش وا دەکات کارەکە بە زوویى تەواو بێت.

لەم کارەدا ئەزموونى پیاوە بە تەمەنەکان سودى زۆرى هەیە و ئەرکى سەرەکیان تەختکردن و ڕێکخستنى ئەو خۆڵەیە کە دەکرێتە سەر خانووەکە، هەروەها ڕۆڵیان هەیە لە هاندانى گەنجەکان.

وەک خۆ ئامادەکردنێک بۆ وەرزى زستان کارى خۆڵەبان لە کۆتایى وەرزى هاوین و سەرەتاى وەرزى پایز لە گوندەکان زۆر دەبێت و هاوڵاتیان خۆیان بۆ زستانێکى سەخت ئامادە دەکەن.

سەرەڕاى پێشکەوتنى کەلوپەلەکانى بیناسازیى بەڵام تائێستاش بەشێک لە گوندنیشنەکان سود لە کەرەستە سەرەتاییەکانى وەک بەرد و قوڕ وەردەگرن بۆ دروستکردنى خانوو و پێداویتسییەکانى تریان.
NRT _