ئەندامێکی ئەنجوومەنی ناوەندی یەکێتی ڕایگەیاند، ئەوەی جێگرانی یەکێتی کردیان بۆ ڕاگەیاندنی ناوەندی بڕیار ئینقلابە بەسەر یەکێتیدا و دەبێت ئەوان ڕێگری بکەن لە دروستبوونی هەر کێشەیەک لە ناو یەکێتیدا.

عەتا سەراوی ئەندامی ئەنجوومەنی ناوەندی یەکێتی لە ڕووماڵێکی تایبەتی ئێن ئاڕتیدا ڕایگەیاند، یەکێتی و ناوەندەکانی هی چەند ئەندامێکی مەکتەبی سیاسی و سەرکردایەتی یەکێتی نییە و یەکێتی هی هەموو ئەو ئەندامانەیە کە خۆیان بە یەکێتی دەزانن.

ئاماژەی بۆ ئەوەشکرد، دەبوو ئەمڕۆ کە تاڵەبانی گەڕایەوە بۆ سلێمانی دەبوو جێگرانی و ئەو ئەندامانەی ناوەندەکەیان ڕاگەیاندوە بچنە پێشوازی و چاویان بە مام جەلال بکەوتایە.

جەختیشی لەسەر ئەوە کردەوە جێگرانی سکرتێری گشتی یەکێتی نەیانتوانیوە ببنە براگەورەیەک کە بتوانن هەموو ئەندامانی یەکێتی کۆبکەنەوە.
NRT _