هێزی پێشمەرگە لە بازگەی سلێمان بەگ ڕێگری لە هاتنی هێزێکی حەشدی شەعبی کرد، کە دەیانویست بە چەند ئۆتۆمبیلێکی سەربازییەوە بچنە ناو دووزخورماتوو.

کەمال ئەسعەد فەرماندەی پێشمەرگە لە بازگەی سلێمان بەگ لە سنووری دووزخورماتوو بە ئێن ئاڕ تی ڕاگەیاند، سێ ئۆتۆمبێلی سەربازی چەکدارانی حەشدی شەعبی ویستوویانە بچنە قەزای دووزخورماتوو، بەڵام لەلایەن هێزەکانی پێشمەرگەوە ڕێگەیان پێ نەدراوە.

ئاماژەی بۆ ئەوەشكرد، ئەوان ئامادەنین ڕێگە بە هاتنی هێزی ئەمنی بدەن بۆ قەزای دووزخورماتوو، تا ئەو کاتەی لە سەرووی خۆیانەوە فەرمانیان پێدەکرێت و بڕیار دەدرێت لەسەر هاتنی هێزەکە بۆ ناو دووزخورماتوو.

لە ماوەی دوو ساڵی ڕابردوودا چەند جارێک گرژی و پێکدادان لە نێوان هێزەکانی پێشمەرگە و چەکدارانی حەشدی شەعبیدا دروستبووە.
NRT -