بەهۆی تەقینەوەی بۆمبێک لەباشووری شاری کەرکووک سێ کەس بریندار دەبن.

عەمید سەرحەد قادر، بەڕێوەبەری پۆلیسی قەزاو ناحییەکانی کەرکووک راگەیاند "بۆمبێک لەنزیک عەلوەی کەرکووک لە باشووری شارەکە تەقیوەتەوە و بەهۆیەوە سێ کەس برینداربوونە".

بەڕێوەبەری پۆلیسی قەزاو ناحییەکانی کەرکووک گوتیشی " ئەو کەسانەی بریندار بوونە (ياسين خلف شەهاب و جەميل جوبير سەعيد و ئەحمەد شكر عايش)ه ، کە هەرسێکیان ئاوارەن و لەگەڕەکی نەسری شاری کەرکووک نیشتەجێن و پیشەیان کاسبە".

سەرحەد قادر گوتیشی " بریندارەکان برینەکانیان سوکە و لەنەخۆشخانەن چارەسەری وەردەگرن".