وەزارەتی پەروەردەی حكومەتی هەرێمی كوردستان ئاشكرایدەكات، هەموو كارەكانی پشكنینی دەفتەری تاقیكردنەوەكانی نۆی بنەڕەتی‌و 12ی ئامادەیی تەواو بووە، لەماوەی سێ‌ رۆژی داهاتوودا ئەنجامەكان رادەگەیەنن.

شۆڕش غەفوری، لەبەشی راگەیاندنی وەزارەتی پەروەردەی حكومەتی هەرێمی كوردستان راگەیاند: هەموو كارەكانی پشكنینی دەفتەری تاقیكردنەوەكانی نۆی بنەڕەتی و 12 ی ئامادەیی تەواو بووە.

وتیشی "لەئێستادا خەریكی وردبینی كردنین‌و لەماوەی سێ‌ رۆژی داهاتوشدا، ئەنجامەكان رادەگەیەنین" .

شۆڕش غەفوری جەختیكردەوە كە ئەوان دەیانەوێت كەمترین كێشە هەبێت لەئەنجامی تاقیكردنەوەكان، بۆیە زۆر بەوردی كارەكان رادەپەڕێنن.

هەروەها ئاماژەی بەوەدا كە لەكۆنگرەیەكی رۆژنامەنوسیدا، رێژەی دەرچوون و ناوی ئەو كەسانە ئاشكرا دەكرێت كە یەكەم بوون لەتاقیكردنەوەكاندا.

پرۆسەی تاقیكردنەوە گشتیەكان ئەمساڵ، بەبەشداری (263954) خوێندكاری نۆی بنەڕەتی و 12ی ئامادەیی، لە (4270) هۆڵ و بە چاودێری (54301) مامۆستا بەڕێوەچوو.