ئێوارەی ئەمڕۆ سێشەممە مەسعود بارزانی سەرۆكی هەرێمی كوردستان پەیامێكی پیرۆزبایی بەبۆنەی هاتنی مانگی رەمەزان بڵاوكردەوە و گەرمترین پیرۆزبایی ئاراستەی سەرجەم موسڵمانانی کوردستان بەتایبەتی و عێراق و جیهان بەگشتی كرد.

لە پەیامەكەدا هاتووە "پیرۆزبایی گەرم له خانەوادەی سەربەرزی شەهیدان و پێشمەرگە قارەمانەکانی کوردستان و هەروەها سەرجەم کارمەندانی دەزگا ئەمنییەکانی کوردستان، دەكەم".

هەروەها هاتووە "لەم بۆنە پیرۆزەدا جارێكی تر جەخت لە ناوەڕۆكی پەیامەكەم بۆ حزب و لایەنە سیاسییەكان لە 23ـ6ـ2016 دەكەمەوە و هیوادارم دوای جەژن حزب و لایەنە سیاسییەكانی هەرێمی كوردستان كۆببنەوە و لەسەر ڕیفراندۆم و پەیوەندیی هەرێم و بەغدا بگەنە كۆدەنگییەكی نیشتیمانی و لەبارەی بارودۆخی سیاسیی هەرێمیش چارەسەرێك بدۆزنەوە".

هەروەها دەڵێ "لە خوای گەورە داواکارم ڕۆژوو و عیبادەتی مانگی پیرۆزی ڕەمەزانی لە هەموو موسڵمانان قبووڵ کردبێ و پشت و پەنای پێشمەرگە قارەمانەکانمان بێت و گەلەکەشمان بگاتە ئاواتی لەمێژینەی خۆی و کۆتایی بە هەموو ناخۆشییەکان بێت".