ئه‌نجومه‌نی ئاسایشی هه‌رێمی كوردستان له‌ ڕاگه‌یه‌نراوێكدا ئاشكرای ده‌كات كه‌ سه‌رله‌به‌یانی ئه‌مڕۆ تیرۆریستێكی خۆكوژی سه‌ر به‌ گروپی تیرۆریستی داعش ده‌ستگیركراوه‌.

له‌ به‌شێكی ڕاگه‌یه‌نراوه‌كه‌دا هاتووه‌ "تیرۆریست (عدنان محمد صادق) ناسراو به‌ "ابو فاتمه‌" خه‌ڵکی قه‌زای ته‌له‌عفه‌ره‌ و تورکمانه‌، پێشتر دزه‌ی کردبووه‌ سنوری هێزه‌کانی پێشمه‌رگه‌، دوای خۆ ئاماده‌کردنی بۆ کرده‌یه‌کی خۆکوژی، له‌ کاتژمێر 7:30ی به‌یانی، توانرا له‌ گوندی "خڕمڕ"ی ناحیه‌ی عه‌یازییه‌ی سه‌ر به‌ قه‌زای ته‌له‌عفه‌ر ده‌ستگیر بکرێت. به‌پێی دانپێدانانی تیرۆریسته‌ ده‌ستگیرکراوه‌، له‌لایه‌ن قاتعی ته‌له‌عفه‌ری داعشه‌وه‌ راسپێردراوه‌ بۆ خۆته‌قاندنه‌وه‌ی له کۆتا رۆژی ره‌مه‌زان له‌نێو بازاڕدا".

ئه‌مه‌ی خواره‌وه‌ ده‌قی ڕاگه‌یه‌نراوه‌كه‌ی ئه‌نجومه‌نی ئاسایشی هه‌رێمی كوردستانه‌:-

راگه‌یاندراوێک له‌ ئه‌نجومه‌نی ئاسایشی هه‌رێمی کوردستانه‌وه‌

سه‌رله‌به‌یانی ئه‌مڕۆ، له‌ ئۆپه‌راسیۆنێکی هاوبه‌شی هێزه‌کانی ئاژانسی پاراستن و ئاسایشی (دهۆک)دا، تیرۆریستێکی خۆکوژی سه‌ر به‌ گروپی تیرۆریستی داعش ده‌ستگیرکرا و توانرا پشتێنه‌ بۆمبڕێژکراوه‌که‌ی پوچه‌ڵ بکرێته‌وه‌ و ده‌ست به‌سه‌ر ژماره‌یه‌کی دیکه‌ی ته‌قه‌مه‌نیشدا بگرن.

تیرۆریست (عدنان محمد صادق) ناسراو به‌ "ابو فاگمه‌" خه‌ڵکی قه‌زای ته‌له‌عفه‌ره‌ و تورکمانه‌، پێشتر دزه‌ی کردبووه‌ سنوری هێزه‌کانی پێشمه‌رگه‌، دوای خۆ ئاماده‌کردنی بۆ کرده‌یه‌کی خۆکوژی، له‌ کاتژمێر 7:30ی به‌یانی، توانرا له‌ گوندی "خڕمڕ"ی ناحیه‌ی عه‌یازییه‌ی سه‌ر به‌ قه‌زای ته‌له‌عفه‌ر ده‌ستگیر بکرێت. به‌پێی دانپێدانانی تیرۆریسته‌ ده‌ستگیرکراوه‌، له‌لایه‌ن قاتعی ته‌له‌عفه‌ری داعشه‌وه‌ راسپێردراوه‌ بۆ خۆته‌قاندنه‌وه‌ی له کۆتا رۆژی ره‌مه‌زان له‌نێو بازاڕدا.

لە میانەی ئۆپه‌راسیۆنه‌که‌دا، وێڕای پوچه‌ڵکردنه‌وه‌ی پشتێنە بۆمبرێژکراوەکەی ئەم تیرۆریستە، توانرا حەشارگەیەکی دابینکردنی چەک و تەقەمەنیی تیرۆریستان لەم سنوورە دەستی بەسەردا بگیرێت، کە بڕێکی بەرچاو چەک و تەقەمەنی جۆراوجۆری لە خۆ گرتبو

ئه‌نجومه‌نی ئاسایشی هه‌رێمی کوردستان

4-7-2016











باسنیوز