رێڤه‌به‌رێ زانكویێن ئه‌هلى ل وه‌زاره‌تا خاندنا بلند و ڤه‌كولینێن زانستى راگه‌هاند: وه‌زاره‌تا خاندنا بلند یا عیراقێ دانپێدانێ ب زانكویێن ئه‌هلى یێن هه‌رێما كوردستانێ ناكه‌ت و ئاریشه‌ كریه‌ ئاریشه‌یه‌كا سیاسى.

كه‌مال جه‌مال رێڤه‌به‌رێ زانكویێن ئه‌هلى ل وه‌زاره‌تا خاندنا بلند و ڤه‌كولینێن زانستى دیاركر كو: "زێده‌بارى جێبه‌جێكرنا هه‌مو مه‌رجێن خوێندنێ ژلایێ وه‌زاره‌تا خاندنا بلند یا حكومه‌تا هه‌رێما كوردستانێ ڤه‌ لێ وه‌زاره‌تا خاندنا بلندا عیراقێ ئاماده‌ نینه‌ دانپێدانێ ب زانكویێن ئه‌هلى یێن هه‌رێما كوردستانێ ب دانیت و ئه‌و كریه‌ ئاریشه‌یه‌كا سیاسى".


ژلایه‌كێ دیڤه‌ هه‌ر لدور ئه‌وى بابه‌تى وه‌زاره‌تا خاندنا بلندا عیراقێ به‌رسڤا وه‌زاره‌تا خاندنا بلندا هه‌رێمێ دایه‌ و گوتیه‌: "زانكویێن ئه‌هلى یێن هه‌رێما كوردستانێ گه‌له‌ك تێبینى و سه‌رنج ل سه‌ر هه‌نه‌ و دناڤ وان زانكویان دا گه‌له‌ك ئاریشه‌ هه‌نه‌ هه‌ر ژلایێ كوالیتیێ و خاندنێ له‌ورا ئه‌م دانپێدانێ پێ ناده‌ین و ئیمتیازێ ب ده‌رچوویێن وان زانكویان ژى ناده‌ین".







باسنیوز