فڕۆکە جەنگییەکانی هاوپەیمانان لە بۆردومانێکیاندا توانیان والیی داعش لە گەیارەدا بکوژن.

عسمەت رەجەب، بەرپرسی لقی چواردەی پارتی دیموكراتی كوردستان راگەیاند" ئەمڕۆ فڕۆكە جەنگییەكانی هاوپەیمانان هێرشیانكردە سەر چەند بنكەیەكی تیرۆرستانی داعش لە سەنتەری ناحیەی گەیارەی باشووری شاری مووسڵدا و لە ئەنجامدا ژمارەیەك چەكداری تیرۆریستی داعش و دو سەركردەی ئەو گروپە كوژران.

عسمەت رەجەب راشیگەیاند" بەهۆی بوردۆمانی هاوپەیمانان والیی ناحیەی گەیارە بەناوی مەهدی ئەلویزی و بەرپرسی شانەی هاونی گروی تیرۆریستی داعش بەناوی حەمادی خەفاجی كوژران، كە دوو بەرپرسی دیاری تیرۆریستانبوون لە ناحیەی گەیارەی سەر بە پارێزگای نەینەوا دا.