سەرۆکایەتی هەرێمی کوردستان لە راگەیاندراوێکیدا ئیدانەی تەقینەوەکانی فڕگەی ئیستانبووڵی کرد و؛ سەرەخۆشی و هاوخەمیی بۆ گەل و حکوومەتی توركیا و كەسوكاری قوربانیانی ئەو ڕووداوە تیرۆریستییە دەربڕی و هیوای چاكبوونەوەی خێرایشی بۆ برینداران خواست.

دەقی راگەیاندراوی سەرۆکایەتی هەرێمی کوردستان:

شەوی سێشەممە 28ـی 6ـی 2016 تیرۆریستان پەلاماری فڕۆکەخانەی نێودەوڵەتیی ئەستەنبوڵیان دا و لە ئەنجامدا دەیان هاووڵاتی گیانیان لەدەست دا و ژمارەیەكی زۆریش بریندار بوون. ئێمە لە سەرۆكایەتیی هەرێمی كوردستان بە توندی ئەم كارە تیرۆریستییە نامرۆڤانەیە ئیدانە دەكەین و سەرەخۆشی و هاوخەمیی خۆمان بۆ گەل و حکوومەتی توركیا و كەسوكاری قوربانیانی ئەو ڕووداوە تیرۆریستییە ڕادەگەیەنین و هیوای چاكبوونەوەی خێرایش بۆ برینداران دەخوازین.

تیرۆر هەڕەشەیەكی جدییە لەسەر هەموو مرۆڤایەتی و دژی ئازادی و ئاسوودەیی و پێکەوەژیانە، ڕووبەڕووبوونەوەی ئەم دیاردە ترسناکە هەوڵێکی جیددی و هەمەلایەنەی کۆمەڵگەی نێودەوڵەتی پێویستە.

سەرۆكایەتیی هەرێمی كوردستان
29ـی 6ـی 2016












KDP