په‌رله‌مانتارێكی پارتی رایده‌گه‌نێت كه‌ چوونی وه‌فده‌كه‌ی یه‌كێتی و گۆڕان بۆ به‌غدا هیچ گۆڕانكاریه‌ك ناكات له‌ به‌ره‌وپێشبردنی په‌یوه‌ندیه‌كانی نێوان به‌غدا و هه‌رێم، به‌ هه‌نگاوێكیش بۆ دابه‌شكردنی نێوماڵی كورد له‌ ناوه‌ند ناوی ده‌بات.

ئه‌رده‌ڵان نوره‌دین په‌رله‌مانتاری پارتی بۆ یه‌كێك له‌ میدیا عێراقیه‌كان رایگه‌یاندووه‌ "پێشتر هه‌رێم وه‌فدی باڵای حكومی ره‌وانه‌ی به‌غدا كردووه‌ به‌ڵام هیچ سوودێكی نه‌بووه‌، له‌به‌رئه‌وه،‌ ئه‌و وه‌فده‌ هاوبه‌شه‌ی یه‌كێتی و گۆڕان‌ كه‌ له‌ به‌غدان هیچ به‌رهه‌مێكیان نابێت و بێسوود ده‌بێت.

ئه‌و په‌رله‌مانتاره‌ی پارتی رایده‌گه‌نێت كه‌ چوونی وه‌فده‌كه‌ی یه‌كێتی و گۆڕان به‌و جۆره‌ بۆ به‌غدا هه‌نگاوێكی سه‌ره‌تایه‌ بۆ دابه‌شكردنی نێوماڵی سیاسی كورد له‌ عێراق.