ئەمڕۆ یەکشەممە نێچیرڤان بارزانی، سەرۆک وەزیرانی هەرێمی کوردستان، سەردانی سەلاحەددین محەمەد بەهادین ئەمینداری گشتی یەکگرتووی ئیسلامی کوردستان کرد.

لە دیدارێكدا سەرۆکی حکوومەن پیرۆزبایی و خۆشحاڵی خۆی دەربڕى بەبۆنەى سەرکەوتنى کۆنگرەى حەوتەمى یەکگرتووى ئیسلامیى كوردستان و هەڵبژاردنەوەى سەڵاحەدین محەمەد بەهائەدین بە ئەمیندارى گشتیى یەکگرتوو.
پێشنیوه‌ڕۆى ئەمڕۆ یەکشەممە (2016/6/26) لە هەولێر بەڕێز نێچیرڤان بارزانى سه‌رۆك وه‌زیرانى هه‌رێمى كوردستان، سه‌ردانى به‌ڕێز مامۆستا سەڵاحەدین محەمەد بەهائەدین ئەمیندارى گشتیى یەکگرتووى ئیسلامیى کوردستانى كرد.

لە دیدارێكدا به‌ڕێزیان پیرۆزبایی و خۆشحاڵییان دەربڕى بەبۆنەى سەرکەوتنى کۆنگرەى حەوتەمى یەکگرتووى ئیسلامیى كوردستان و هەڵبژاردنەوەى جەنابى مامۆستا سەڵاحەدین محەمەد بەهائەدین بە ئەمیندارى گشتیى یەکگرتوو و هیوایان خواست ئەم گۆڕانکاریانە سەرەتایەکى باش بن بۆ دووبارە بەرجەستەکردنى ئاشتەوایى و یەکتر قبووڵکردن و چاره‌سه‌ركردنى كێشه‌كان.

لە دیدارەکەدا هەردوولا تیشکیان خستە سەر بارودۆخى ئێستاى هەرێمى کوردستان و ناوچەکە و زەروورەتی ئاساییکردنەوە و هێوکردنەوەى دۆخەکە. به‌ڕێز نێچیرڤان بارزانى ڕۆڵ و پێگەى یەکگرتووى ئیسلامیى كوردستان و مامۆستا سەڵاحەدین محەمەد بەهائەدینیان بەرز نرخاند لە هەوڵە ئاشتەواییەکانى و ڕایانگەیاند بە ئومێدەوە دەڕواننە هەوڵەکانى جەنابیان بۆ لێکنزیککردنەوەى لایەنە سیاسییەکان و گفتوگۆ.









باسنیوز