زانیاریین هەری نوو دەربارێ کوشتنا کچەکی ساڤا ئا دهۆکێ
رائیدێ مافپەروەر هێمن سلێمان دیار كر، كچا ساڤا ل دەستپێكێ ژ لایێ وی گەنجی ڤە دهێتە رەڤاندن، ئەو گەنجە ب خۆ یێ كێم ئاقلە و نەیێ تمامە، رۆژا بەرزەبوونێ ئەو وێ كچێ ل بەردەرگەهی دهەلگریت و دكەتە ملێ خۆ و پاشی دچیت تەكسیەكێ دگریت و وێ كچێ سیار دكەت و دچیتە گۆندێ بەرئاشێ.
زێدەتر دبێژیت: ڤی تاوانباری ئەردەكێ مەزن ل گوندی هەیە كو یێ خێزانا وانە و بركەكا ئاڤێ یا مەزن د ناڤ وی ئەردی دا هەیە، ئەڤ تاوانبارە (مینا)یێ دخەندقینیت و پاشی لاشێ وێ دبەت دكەتە چالەكێ دا و هەتا رادەكی لاشێ وی پرت پرت دكەت.
هێمن سلێمان، ئاشكرا ژی كر كو راستە ئەڤ گەنجە ب تمامی یێ كێم ئاقلە و نەخۆشیێن دەروونی هەنە، بەلێ ناسیارەكێ نێزیك نینە بۆ مالا (مینا)یێ ب تنێ یا هاتیە زانین كو هەردو پێكڤە گۆندیێن ئێكن و نە زێدەتر.
باسنیۆز
