پێشنیوه‌ڕۆی ئه‌مڕۆ له‌ میحوه‌ری مه‌خموور نزیكه‌ی 200 كه‌سی ناوچه‌كانی ژێر ده‌ستی داعش له‌ به‌رزاییه‌كانی گڕاو خۆیان راده‌ستی هێزه‌كانی پێشمه‌رگه‌ كرد.

مه‌هدی یوونس، فه‌رمانده‌ی پێشمه‌رگه‌ له‌ میحوه‌ری مه‌خموور به‌ كوردستان 24 ی راگه‌یاند، ئه‌و كه‌سانه‌ی كه‌ خۆیان راده‌ستی پێشمه‌رگه‌ كردووه‌ هه‌موویان خێزاندارن و زۆربه‌شیان ژن و منداڵن. فه‌رمانده‌كه‌ی پێشمه‌رگه‌ ئه‌وه‌شی گوت: یه‌كێك له‌وانه‌ له‌ رێگه‌دا به‌هۆی نه‌خۆشیه‌وه‌ گیانی له‌ده‌ست داوه‌.

له‌گه‌ڵ نزیكبوونه‌وه‌ی ئۆپه‌راسیۆنی رزگاركردنی شارى مووسڵ خه‌ڵكی ناوچه‌كانی ده‌وروبه‌ری مووسڵ هه‌وڵ ده‌ده‌ن له‌ده‌ست چه‌كدارانی داعش هه‌ڵبێن، له‌ سه‌ره‌تای ئه‌مساڵیشه‌وه‌ تا ئێستا نزیكه‌ی 5000 كه‌س له‌و ناوچانه‌ له‌ده‌ست چه‌كدارانی داعش هه‌ڵهاتوون و خۆیان گه‌یاندووه‌ته‌ سه‌نگه‌ره‌كانی پێشمه‌رگه‌ و ئێستاش له‌ كه‌مپی دیبه‌گه‌ جێگیر كراون.








باسنيوز