پاش ئەوەی شێخ ئەدهەم بارزانی وەکو بەرپرسی ئەنجومەنی سەرکردایەتی پارتی دیموکراتی کوردستان لە پارێزگای سلێمانی دەست بەکار بوو، ڕۆژانە بە سەدان هاوڵاتی لە سلێمانی و دەوروبەری پارێزگاکە سەردانی شێخ ئەدهەم بارزانی دەکەن و لە نوێترین کاردانەوەشیدا کە دەسەڵاتدارانی سلێمانی پێی شلەژان جەختکردنەوەی بارزانی بوو لەسەر نەبوونی زۆنی سەوز و زەرد کە بەڕای شێخ کوردستان ماڵی هەموو کوردێکە و هیچ زۆنێک لە ئارادانیە، بەڵکو ئەمە تەنها پڕوپاگندەی ڕاگەیاندنەکانە.

لە نوێترین دەرکەوتنیدا، شێخ ئەدهەم بارزانی بەرپرسی ئەنجومەنی سەرکردایەتی پارتی دیموکراتی کوردستان لەگەڵ هاونیشتیمانیەکی دانیشتووی پارێزگای سلێمانی دەردەکەوێت و لە نزیکەوە گوێ لە داواکاریەکانی دەگرێت، ڕۆژنامەنوسێکی پارتیش دەلێ: ئەم وێنەیە پەیامێکە بۆ ئەوانەی تەنها پێیان وایە سلێمانی هی ئەوانە، کە تێبگەن سلێمانی و بارزانی لە یەکتر جیانابنەوە.

ئەو ڕۆژنامەنوسەی پارتی دەشلێت: من دڵنیام پارتەکانی سلێمانی “یەکێتی و گۆڕان’ بە تایبەتی بە بینینی ئەم وێنەیە زۆر ترساون، چونکە لێرەدا زۆر بە ڕوونی بۆیان دەردەکەوێ کە بنەماڵەی بارزانی هەرگیز دەست لە سلێمانی و خەڵکەکەی هەڵناگرێ.




رۆژانەهەواڵ