دوای ئه‌وه‌ی حكوومه‌تی عێراق بۆ فشارخستنه‌ سه‌ر هاووڵاتیانی هه‌رێمی كوردستان بودجه‌ی نه‌نارد و مووچه‌ی فه‌رمانبه‌رانیشی بڕی؛ له‌ پێشهاتێكی نوێ دا بڕیاری داوه‌ كه‌ گه‌شته‌ ئاسمانییه‌كانی نێوان هه‌ولێر و ژماره‌یه‌ك وڵاتی ئه‌ورووپای رابگرێت.

له‌مباره‌یه‌وه‌ ته‌لار فایه‌ق به‌رێوه‌به‌ری فرۆكه‌خانه‌ی نێوده‌وڵه‌تی هه‌ولێر به‌ كوردستان تیڤی راگه‌یاند كه‌ شه‌وی شه‌ممه‌ حكوومه‌تی به‌غدا رێگه‌ی له‌ هێلی ئاسمانیی جێرمانیا و هۆرمۆز كه‌ له‌ هه‌ولێره‌وه‌ بۆ وڵاتانی سوید و ئه‌ڵمانیا ده‌ڕۆن گرتووه‌ و تا ئێستاش ئه‌و هێله‌ له‌ نێوان هه‌ولێر و ئه‌و وڵاتانه‌ راگیراوه‌.