دكتۆر ئامانج عەبدوڵا راوێژكار لە وەزارەتی خوێندنی باڵا و توێژینەوەی زانستی حكوومەتی هەرێمی كوردستان رایگەیاند: لە ماوەی 3 خولدا لە هەرێمی كوردستاندا 4 هەزار و 351 كاندیدی كورد لە هەرێمی كوردستان بە مەبەستی بەدەسهێنانی بڕوانامەی ماستەرو دكتۆر لە پرۆژەی تواناسازیدا سوودمەند بوونە.
وتیشی، تا ئێستە لەو ژمارەیەدا 3 هەزار و 100 وەك كاندیدی بەرنامەی تواناسازی لە زانكۆكانی دنیا دەستیان بە خوێندن كردووە.
راشیگەیاند: ژمارەیەكی تریش بە هەمان شێوە لە داهاتوودا قۆناغەكانی خوێندنیان تەواو دەكەن كە ئێستە لە دەرەوە دەستیان بە خوێندن كردووە.