ئەمرۆ شاندی حکومەتی هەرێم بەسەرۆکایەتی نێچیرڤان بارزانی بۆ گفتۆ کردن لەگەڵ حکومەتی ناوەند لەبارەی کێشە هەڵپە سێردراوەکانی نێوان هەردوولا گەیشتە بەغداد،.پەرلەمانتارێکیش رایدەگەیەنێت بەغداد پێویستی بەڕێکەوتنە لەگەڵ هەرێم چونکە کێشە بۆ بودجەکەی دروست دەبێت.





ئەندامی ئەنجومەنی نوێنەرانی عێراق لە لیستی هاوپەیمانی کوردستان"ئازاد زەینەڵ"لە لێدوانێکی تایبەت بۆئاژانس و رادیۆی پەیامنێر گووتی:"ئەمجارەیان کەشێکی لەبار هەیە بۆ گفتوگۆ کردنی نێوان هەرێم و بەغداد، نیەتێکیش هەیە بۆ چارەسەر کردنی کێشەکان".



گووتیشی:"حکومەتی بەغداش پێویستی بە ئێمەیە چونکە حکومەتی عێراق بودجەکەی وا خەمڵاندووە کەوا ڕۆژانە دەبێت سێ ملیۆن و چوارسەد هەزار بەرمیل بڕوات ئەوکات سەدو چل ترلیۆن دینار بەدەست بهێنن".



ڕاشیگەیاند:"ئەگەر ڕێژەی نەوتەکە بەو شێوەیە نەڕوات ئەوا شانزە ترلیۆن دیناری دیکە دەچێتە سەر کورت هێنانی بودجەی گشتی کە ئێستا بە سی ترلیۆن خەمڵێندراوە".