بەرێوەبەری پۆلیسی دیالە ئاشكرای کرد، لە لایەن هێزەكانی پۆلیسەوە لە زنجیرە چیاكانی حەرین توانیویانە ژمارەیەك تیرۆریستی سەر بە داعش دەستگیر بكەن كە تایبەت بە بۆمبرێژكردنی ئۆتۆمبیل و توانیایانەوە لە ماوەیەكی كەماد ئۆتۆنمبیل بۆ تەقاندەوە ئامادە بكەن.


بەرێوەبەری پۆلیسی دیالە، لیوا روكن جەمیل ئەلشەمەری، لە لێدوانێكیدا بۆ كەناڵەكانی راگەیاندن، ئاشكرای كرد: لە لایەن هێزێكی تایبەتی پۆلیسی دیالەوە لە ناوچەی حەمرین، چوار تیرۆریستی سەر بە دەوڵەتی ئیسلامی لە عێراق و شام ناسراو بە "داعش" دەستگیر كراون كە تایبەتن بە بۆمبرێژكردنی ئۆتۆمبیل و ئامادەكردنی بۆ تەقاندنەوە.



جەمیل ئەلشەمەری ئاماژەشیدا، ئەو تیرۆریستانە بە شێوەی گەرۆك لە پارێزگاكە لە شوێنێكەوە بۆ شوێنێكی دیكە دەگوازرێنەوە و بەهۆی شارەزاییانەوە لە ماوەیەكی كەمدا دەتوانن ئۆتۆمبیل بۆمبرێژبكەن و بۆ تەقاندەوە ئامادەی بكەن.