ئەمڕۆ لە کۆنگرەیەکی ڕۆژنامەوانیدا ووتەبێژی بەڕیوەبەرایەتی پۆلیسی پارێزگای سلێمانی، دەستگیر کردنی دەکەسی لەماوەی نۆ ڕۆژدا بە تۆمەتی دزیکردن ڕاگەیاند.



لەمیانەی کۆنگرە ڕۆژنامەوانیەکەدا، ووتەبێژی پۆلیسی پارێزگای سلێمانی، سەرکەوت ئەحمەد، ڕایگەیاند:" ئەو دەکەسەی دەستگیر کراون بوتڵی غاز لەماڵان و پارەیان لەدوکان دزیوە هەروەها هەڕەشەکردن لە ئافرەتان و بەکارهێنانیان بۆ دەست کەوتنی ئاڵتون".



سەرکەوت ئەحمەد، گوتی:"ئەو تۆمەتبارانە کە نۆ کەسیان کوردن و یەکێکیان عەرەبە لە بەردەم پۆلیسدا دانیان بەتاوانەکەیاندا ناوە".



ڕاشیگەیاند:"سەرجەمیان ڕەوانەی دادگا کراون و ڕێو و شوێنی یاسایش لەگەڵیان دەگیرێتە بەر".