پۆلیسی سلێمانی ئاشكرایكرد، شه‌وی رابردوو له‌گه‌ڕه‌كی‌ ئیبراهیم ئه‌حمه‌د، گه‌نجێكی ته‌مه‌ن 21 ساڵ له‌ ماڵه‌وه‌ له‌ رێگه‌ی ده‌مانچه‌وه‌ گوللـه‌یه‌كی ناوه‌ به‌سه‌رییه‌وه‌و خۆی كوشتووه‌.

نه‌قیب سه‌ركه‌وت ئه‌حمه‌د، وته‌بێژی پۆلیسی سلێمانی به‌ خه‌ندانی راگه‌یاند: شه‌وی رابردوو له‌ گه‌ڕه‌كی ئیبراهیم ئه‌حمه‌د، گه‌نجێكی ته‌مه‌ن 21 ساڵ له‌ ماڵه‌كه‌ی خۆیاندا به‌ ده‌مانچه‌یه‌كی علوج (به‌و جۆره‌ ده‌مانچانه‌ ده‌وترێت كه‌ مۆڵه‌تیان نییه‌) گوللـه‌یه‌كی ناوه‌ به‌سه‌رییه‌وه‌ و خۆی كوشتووه‌.

وتیشی: "تیمه‌كانی به‌ڵگه‌وتاوان سه‌ردانی شوێنی رووداوه‌كه‌یان كردوه‌ و لێكۆڵینه‌وه‌ی خۆیان ده‌ستپێكردوه‌ و ده‌ركه‌وتووه‌ كه‌ ئه‌و روواوه‌ خۆكوژی بووه‌".









خه‌ندان