ئیداره‌ی كه‌ركووك بڕیاری دا قه‌ره‌بووی زه‌ره‌رمه‌ندانی ته‌قینه‌وه‌كه‌ی گه‌ڕه‌كی ڕه‌حیماوه‌ی شاری كه‌ركووك بكاته‌وه.



فواد حوسێن، ئه‌ندامی ئه‌نجومه‌نی پارێزگای كه‌ركووك، به‌ ئاژانسی هه‌واڵی په‌یامنێر ڕاگه‌یاند: ‌"ته‌قینه‌وه‌كه‌ی گه‌ڕه‌كی ڕه‌حیماوه‌ی شاری كه‌ركووك كه‌له‌ ڕێكه‌وتی 26/1 و ‌له‌ڕێی ئۆتۆمۆبیلی بۆمبڕێژكراوه‌ ئەنجامدرا و زیانی گیانی و ماڵی زۆری لێكه‌وته‌وه،‌ ئیداره‌ی كه‌ركووك لێژنه‌یه‌كی بۆ خه‌ملاندنی زیانه‌كان و دواتر قه‌ره‌بووكردنه‌وه‌یان، پێکهێنا".

له‌ڕێكه‌ 26/1، له‌لایه‌ن تیرۆرستانه‌وه‌ ئۆتۆمۆبیلێكی بۆمبڕێژكراو له‌گه‌ڕه‌كی ڕه‌حیماوه‌ی شاری كه‌ركووك ته‌قییه‌وه‌ و كوژرانی سێ هاوولاتی و ژماره‌یه‌كی زۆر بریندار، لەگەڵ زیانێکی زۆری ماددی لێكه‌وته‌وه‌.