لە درێژەی ھەڵمەت و گەڕانەکانی ھێزە ئەمنییەکان لە سنوری پارێزگەی کەرکووک ھێزە ئەمنییەکان لە باشووری رۆژئاوای شارەکە ھەڵمەتێکیان ئەنجام دا و ١٥کەسی داواکراو و گومانلێکراویان دەستگیر کرد.

لە ھەڵمەتێکی گەڕان و پشکنین بە سەرپەرشتی عەمید سەرحەد قادر بەڕێوەبەری پۆلیسی شارۆچکە و شارەدێیەکانی کەرکووک و لیوای ٤٦ی سوپای عێراقی لە فرقەی١٢ لە باشووری خۆر ئاوای کەرکووک لە باشوری شارەدێی ریاز و رەشاد لە زنجیرە چیاکانی حەمرین توانیان ١٥کەسی داواکراو و گومانلێکراو دەستگیر بکەن کە ٤لەوانە دواکراون بە مادەی ٤ی تیرۆر.

لە ھەڵمەتەکەدا دوو ئۆتۆمبێل و سێ ماتۆرسکیل گیراوە لەگەڵ ھەندێک بەڵگەنامەی گروپە تیرۆریستییەکان و ھەڵمەتەکە بەپێی زانیاری ھەواڵگری ئەنجام دراوە و لە کاتی ئەو ھەڵمەتدا چوار بۆمبی چێندراو تەقییەوە کە بەبێ زیان کۆتایی پێھات.

شەوی راِبردوو ھێزیکی ھاوبەش کە پێکھاتبوو لە ھێزەکانی فرقەی ١٢ و ھەواڵگری نیشتمانی پاش کۆکردنەوەی زانیاریەکی ورد لە سنووری کەرکووک، بەپرسی سەربازی گروپی "ئەنجوومەنی کەرکووک"یان دەستگیر کە گروپێکی تیرۆریستی تازە دامەزراوە.






PNA