به‌هۆی نه‌بوونی ته‌مویلی بانكی له‌ وه‌زاره‌تی دارایی عیراق‌ و بانكی ناوه‌ندی عیراق، نه‌توانراوه‌ ئه‌و بڕه‌ پاره‌یه‌ی كه‌ پێویست بڕی 500 ملیار دیناره‌ بوو بێته‌ سلێمانی، بۆیه‌ بڕیاره‌ له‌ دوو رۆژی داهاتوودا پاره‌ بگاته‌ بانكی ناوه‌ندی هه‌رێم له‌ سلێمانی، به‌ڕێوه‌به‌ری بانكی هه‌رێمیش لقی سلێمانی ئاشكرایده‌كات، له‌م یه‌ك دوو رۆژه‌دا ته‌واوی هێزه‌كانی پێشمه‌رگه‌ مووچه‌ی مانگی رابردوو وه‌رده‌گرن.

عه‌بدولڕه‌حمان ساڵح، به‌ڕێوه‌به‌ری گشتی بانكی ناوه‌ندی هه‌رێم لقی سلێمانی راگه‌یاند: بڕی 500 ملیار دیناری مانگی یه‌كیان له‌ به‌غدایه‌، چاوه‌ڕێ ده‌كه‌ن یه‌ك دوو رۆژی داهاتوو بگاته‌ ده‌ستیان و موچه‌ی فه‌رمانبه‌رانی پێ بده‌ن، به‌ڵام ده‌ركه‌وت كه‌ وه‌زاره‌تی دارایی عیراق له‌ بانكی ناوه‌ندی عیراق ره‌سیدی نیه‌.

له‌باره‌ی مووچه‌ی مانگی رابردووی پێشمه‌رگه‌وه‌ وتی: "مووچه‌ی پێمه‌رگه‌ به‌شێكی زۆر دراوه‌، چاوه‌ڕێ ده‌كرێت ئه‌وه‌ی ماوه‌ به‌یانی و دوو به‌یانی ئه‌ویش بدرێت".

پێشتر وته‌بێژی وه‌زاره‌تی دارایی حكومه‌تی هه‌رێم، رایگه‌یاندبوو، ئه‌گه‌ر به‌غدا كێشه‌یان بۆ درووست نه‌كات ئه‌م مانگه‌ كێشه‌ی دواكه‌وتنی مووچه‌ نامێنێت ‌و پاره‌ی پێویست ده‌گاته‌ بانكه‌كان.











خه‌ندان