سەربەست مستەفا سەرۆكی كۆمسیۆنی هەڵبژاردنەكان لە عێراق رایگەیاند: دوای نیوەڕۆی ئەمڕۆ پێنجشەم لە هوتێل شیراتۆن لە هەولێر لە رێورەسمێكدا ژمارەی زنجیرەیی بە قەوارە بەشداربووەكانی هەڵبژاردنی ئەنجوومەنی پارێزگاكانی هەرێمی كوردستان دەدرێ.
روونیشیكردەوە، پێدانی ژمارەكان بە ئامادەبوونی نوێنەری قەوارەكان و دەزگاكانی راگەیاندن بە تیروپشك ئەنجام دەدرێ.
وتیشی، پێدانی ژمارەی زنجیرەیی لە چوار چیوەی ئامادەكارییەكانی كۆمیسۆن دێ بۆ ئەنجامدانی هەڵبژاردنی ئەنجوومەنی پارێزگاكانی هەرێمی كوردستان كە بڕیار وایە لە 30ی نیسانی ئەمساڵ بەڕێوەبچێ