هاوشێوەی شارو شارۆچکەکانی هەرێمی کوردستان، لەشاری سلێمانیش بەچەندین ڕێوڕەسمی ئایینی یادی لەدایک بوونی پێغەمبەری ئیسلام بەرز ڕاگیرا.


سەرەتا لە مزگەوتی شاری سلێمان ڕێوڕەسمێکی ئاینی بەرفراوان بەئامادەبونی ژمارەیەک لەبەرپرسانی ئیداری و سیاسی ئەو بۆنەیە بەرز ڕاگیرا و تێیدا باس لە گرنگی ڕۆڵ و پێگەی پێغەمبەری ئیسلام لەمێژووی مرۆڤایەتی کرا هەروەها چەندین سروودی ئاینش پێشکەش کران.

لەلایەکی دیکەشەوە هەربەبۆنەی ڕۆژی لەدایک بوونی پێغەمبەری ئیسلام، مەڵبەندی پیرخدری شاهۆ لەشاری سلێمانی مەولودنامەیەکی ساز کرد و تێیدا چەندین بابەتی ئاینی پێشکەش کران.

هەروەها لەناوبازاڕەکانی شاری سلێمانیش خەڵک بە دابەشکردنی شیرینی و دەربڕینی خۆشی و شادی یادی لەدایک‌بوونی پێغەمبەری ئیسلام و پێشەوای مرۆڤایەتییان بەرز راگرت.لەهەندێک شوێنیش خاوەن دوکانەکان خواردەمەنەکانیان بەخۆڕایی دابەش ەکرد.