مانگی 10ی ساڵی رابردوو ئەنجومەنی قەزای خورماتوو داوایایەكی ئاراستەی ئەنجومەنی پارێزگای سەڵاحەدین كرد لەسەر گەڕانەوەی قەزاكەیان بۆ سەر پارێزگای كەركوك و تاوەكو ئێستەش ئەنجومەنی پارێزگای سەڵاحەدین وەڵامی ئەو داواكاریەی نەداوەتەوە و قایمقامی خورماتووش رایدەگەیەنێت ئەوان سورن لەسەر گەڕانەوەی قەزاكەیان بۆ سەر كەركوك.
شەلال عەبدول قایمقامی خورماتوو راگەیاند: قەزای خورماتوو پێشتر یەكێك بووە لەقەزاكانی سەر بەپارێزگای كەركوك و بەهۆی سیاسەتی تەعریبەوە لەساڵی 1976 دابڕێنرا لەو پارێزگایە و خرایە سەر پارێزگای سەڵاحەدین بێ خواستی دانیشتوانەكەی و لەئێستەشدا رەوشی ئەمنی و هاوكات خزمەتگوزاری قەزاكەمان خراپە و مانگی 10ی ساڵی رابردوو ئەنجومەنی قەزای خورماتوو داوای لەئەنجومەنی پارێزگای سەڵاحەدین كرد كەوا دەیانەوێت قەزاكەیان بگەڕێتەوە سەر كەركوك، بەڵام تاوەكو ئێستە وەڵامی ئەو داواكاریە نەدراوەتەوە.
گوتیشی: پێشتریش سەردانی ئەنجومەنی پارێزگای كەركوكمان كردوە و ئەو بابەتەمان لەگەڵ تاوتوێكردون ئەوانیش رازیین بەداواكاریەكانمان، بۆ ئەو مەبەستەش