كۆمسیۆنی باڵای سه‌ربه‌خۆی هه‌ڵبژاردنه‌كانی عیراق داوا له‌ سه‌رجه‌م قه‌واره‌ سیاسییه‌كانی هه‌رێم ده‌كات ئه‌گه‌ر ده‌یانه‌وێت كاندیدی لیسته‌كانیان بۆ هه‌ڵبژاردنی ئه‌نجومه‌نی پارێزگاكانی هه‌رێم بگۆڕن با ناوی كانددیدی نوێیان بۆ بنێرن بۆ ئه‌و مه‌به‌سته‌ش تا 3-1-2014 مۆڵه‌تیان هه‌یه‌.

سه‌رچاوه‌یه‌كی تایبه‌ت له‌ كۆمسیۆنی باڵای سه‌ربه‌خۆی هه‌ڵبژاردنه‌كانی عیراقه‌وه‌ به‌ خه‌ندانی راگه‌یاند: دوێنێ ئه‌و واده‌یه‌ی بۆ تۆماركردنی لیست و قه‌واره‌ی نوێ دانرابوو تا خۆیان تۆمار بكه‌ن بۆ هه‌ڵبژاردنی ئه‌نجومه‌نی پارێزگاكان، كۆتایی هات، هه‌روه‌ها تۆماركردنی كاندیدی قه‌واره‌ سیاسییه‌كان بۆ ئه‌و هه‌ڵبژاردنه‌ش تا 2-1-2014 به‌رده‌وام ده‌بێت.

وتیشی: \"پێشتر زۆرێك له‌ لیسته‌كان ناوی كاندیده‌كانیان بۆ هه‌ڵبژاردنی ئه‌نجومه‌نی پارێزگاكان پێشكه‌ش كردبوو، ئێستاش تا 2-1 ده‌توانن كاندید بگۆڕن یان ئه‌وانه‌ی ئێستایان بهێڵنه‌وه‌ و جێگیریان بكه‌ن\"".

راشیگه‌یاند: كاندیدی قه‌واره‌ سیاسییه‌كان بۆ هه‌ڵبژاردنی ئه‌نجومه‌نی نوێنه‌ران تا 3-1-2014 به‌رده‌وام ده‌بێت، له‌ ئێستاشدا قه‌واره‌ سیاسییه‌كان ده‌ستیان به‌ ناردنی لیستی كاندیده‌كانیان كردوه‌.

بڕیاره‌ له‌ 30ی نیسانی 2014 هه‌ڵبژاردنی ئه‌نجومه‌نی نوێنه‌رانی عیراق و هه‌ڵبژاردنی ئه‌نجومه‌نی پارێزگاكانی هه‌رێم ئه‌نجام بدرێن، بۆ ئه‌و مه‌به‌سته‌ش له‌ ئێستاوه‌ ئاماده‌كارییه‌كان بۆ هه‌ردوو هه‌ڵبژاردن ده‌ستیپێكردوه‌.








خه‌ندان "