ئه‌ندامی سه‌رۆكایه‌تی كونگره‌ی گه‌ل بوو

سه‌ركرده‌یه‌كی باڵای پارتی كرێكارانی كوردستان (PKK) به‌نێوی بڕیار گابار به‌م دواییانه‌ له‌ كۆنسه‌ی سه‌رۆكایه‌تی كۆنگره‌ی گه‌ل له‌ چیای قه‌ندیل هه‌ڵهاتووه‌ و تا ئێسته‌ هیچ زانیارییه‌ك له‌باره‌ی شوێنی نیشته‌جێبوونی نازانرێ.
به‌پێی زانیارییه‌كانی (باسنیوز)، دوو مانگ به‌ر له‌ ئێسته‌ ئه‌و سه‌ركرده‌یه‌ی په‌كه‌كه‌ هه‌ڵهاتووه‌. له‌مباره‌یه‌وه‌ زاگرۆس هیوا گوته‌بێژی PKK ئه‌و هه‌واڵه‌ی پشتڕاست كرده‌وه‌ و به‌ (باسنیوز)ی گوت به‌ڵێ ئه‌و هه‌واڵه‌ راسته‌ و گابار هه‌ڵهاتووه‌.
ئه‌و به‌رپرسه‌ی په‌كه‌كه‌ هیچ زانیارییه‌كی تری له‌وباره‌یه‌وه‌ بۆ (باسنیوز) ئاشكرا نه‌كرد.
بڕیار گابار خه‌ڵكی شاری سنه‌ی رۆژهه‌ڵاتی كوردستانه‌ و له‌ ساڵی 1999وه‌ بووه‌ به‌ گه‌ریلای په‌كه‌كه‌. ساڵی 2000 رۆڵی گرنگی بوو له‌ دامه‌زراندنی پژاكدا. له‌ كۆنگره‌ی ساڵی 2010ی پارتی كرێكارانی كوردستاندا بریار گابار بووه‌ ئه‌ندامی كۆنسه‌ی به‌ڕێوه‌به‌ری كه‌جه‌كه‌ و سه‌رپه‌رشتی به‌شی رێكخراوه‌ جه‌ماوه‌رییه‌كانی كه‌جه‌كه‌. له‌ دوا كونگره‌ی په‌كه‌كه‌ش بوو به‌ ئه‌ندامی سه‌رۆكایه‌تی كونگره‌ی گه‌ل.







باسنیوز