بەهۆی بەفربارینەوە لە سنوری پەروەردەی پشدەر دەوامی خویًندن لە ژمارەیەك قوتابخانەوەستاو بەڕێوەبەری پەروەردەی ناوچەكەش دەڵێت لە هەوڵی چارەسەركردنی گرفتەكەداین.

ئیبراهیم حەوێز،بەڕێوەبەری پەروەردەی پشدەر لە لێدوانێكدا بە ئاژانسی هەواڵی پەیامنێری راگەیاند،بەهۆی ئەو بەفرەی كە لە دوێنێوە سنوری پشدەری گرتەوەتەوە رێگای قوتابخانەی گوندەكان و چەند قوتابخانەیەكی ناو سەنگەسەرو ژاراوەو ناو فەڵادزێ‌ گیراوەو بەهۆیەوە قوتابیان و مامۆستایان نەیانتوانی دەوام بكەن و دەوام وەستا.

گوتیشی، لەوەزارەتی پەروەردەوە دەسەڵات بە بەڕێوەبەری قوتابخانەكان دراوە بۆ ئەوەی ئەگەر بەفر گرفتی بۆ دروستكردن دەوام رابگرن.

هێمای بۆ ئەوەشكرد،ئێستا قائیمقامیەتی شارۆچكەی پشدەرمان ئاگاداركردوەتەوە بۆ ئەوەی رێگاكان پاكبكەنەوە و ئەوانیش لای خۆیانەوە لە رێگەی تیمەكانی رێگاوبانەوە دەستیانپێكردوەتەوەو ئومێد دەكەین رۆژی شەممە دەوامی فەرمی لەو قوتابخانانە وەك قوتابخانەكانی تر دەست پێبكاتەوە.