بڕیار بوو پارته‌ كوردستانیه‌كان له‌ كه‌ركووك به‌ یه‌ك لیست به‌شدارى له‌ هه‌ڵبژاردنى داهاتووى عێراقدا بكه‌ن وه‌ك ئه‌وه‌ى كه‌ پێشتر هه‌موو لایه‌كیان بڕیاریان له‌سه‌ردابوو، به‌ڵام ده‌ره‌نجام لایه‌نه‌كان نه‌گه‌یشتنه‌ رێككه‌وتن و یه‌ك لیستى له‌ كه‌ركووك هه‌ڵوه‌شایه‌وه‌ ، هۆكاره‌كه‌شى ئه‌وه‌ بوو كه‌ یه‌كێتى نیشتیمانى كوردستان به‌ پێشنیازى پارتى دیموكراتى كوردستان بۆ گۆڕینى سه‌رۆكى لیسته‌كه‌ كه‌ دكتۆر نه‌جمه‌ددین كه‌ریمیان دانابوو، ڕازى نه‌بوو .

له‌باره‌شه‌وه‌ محه‌مه‌د كه‌مال به‌رپرسى لقى سێى پارتى دیموكراتى كوردستان له‌ میانى ته‌وه‌رى پانۆڕاماى كوردستان تیڤى رایگه‌یاند كه‌ ئه‌وان وه‌كو پارتى پێیان باش نه‌بوو دكتۆر ئه‌نجمه‌ددین كه‌ریم كه‌ هاوكات پارێزگارى كه‌ركووكه‌ و له‌ هه‌ڵبژاردنى پێشووشدا سه‌رۆكى لیست بووه‌، بۆ ئه‌مجاره‌ سه‌رۆكى لیست بێت كه‌ هاوكات ناهاوسه‌نگى له‌ نێوان لایه‌نه‌كاندا كردووه‌ . ئێمه‌ش داوامان كرد كه‌ هه‌ر كه‌سێكى دیكه‌ ده‌توانن دابنێن به‌ سه‌رۆكى لیسته‌كه‌ و ناوى چه‌ند كه‌سێكى ناو یه‌كێتیشیان پێدابوون، به‌ڵام یه‌كێتى له‌سه‌ر ڕاى خۆى سور بوو .