ئەمڕۆ، لیستی کەرکووکی کوردستانی، بە هۆی پێداگیری یەکێتی نیشتمانی کوردستان بە دانانی نەجمەدین کەریم پارێزگاری ئێستای کەرکووک، بە سەرۆکی لیست، هەڵوەشایەوە و پارتی دێموکراتی کوردستانیش بە جیا بەشداری لە هەڵبژاردنەکان دەکات.


هەڵوەشاندنەوەی لیستی کەرکووکی کوردستانی، بۆ دانانی نەجمەدین کەریم لەلایەن یەکێتیەوە بە سەرۆکی لیست دەگەرێتەوە کە پارتی دێموکراتی کوردستان رازی نەبوو و داوای کەسێکی دیکەی بە جێی نەجمەدین کەریم کرد.


ئەندامی سەرکردایەتی حزبی شوعی کوردستان، شێخ سەدیق ئەحمەد، بە پەیامنێری راگەیاند: \" ئێمە سەردانی یەکێتی و پارتیمان کرد بۆ ئەوەی بریارێکی گونجاو بدەن کە لیستەکە سەرکەتوو بێ، بەڵام بەداخەوە سەرکەتوو نەبوو.

لایەنە کوردستانیەکانی کەرکووک لە گفتوگۆدان بۆ بەشداری لە هەڵبژاردنەکان و پارتی دێموکراتی کوردستانیش، بە لیستێكی جیا بە ناوی \""لیستی پارتی دێموکراتی کوردستان لە کەرکووک\"" بەشداری لە هەڵبژاردنەکان دەکات."