بەیانی ئەمڕۆ لەنزیك پێشەنگای ئۆتۆمبێلی \"علوجەكان\"" له‌ نزیك سەرداراوە، ژن‌ و پیاوێك بە\""كوژراوی\"" لەناو ئۆتۆمبێلەكەیاندا دۆزرانەوە، پۆلیسی سلێمانیش رایده‌گه‌یه‌نێت، ژن و پیاوه‌كه‌ خاوه‌نی دوو منداڵن و چاره‌نووسیان نادیاره‌.

عه‌مید سامان مه‌حمود، به‌رپرسی راگه‌یاندن و په‌یوه‌ندییه‌كان له‌ به‌ڕێوه‌به‌رایه‌تی گشتی پۆلیسی‌ سلێمانی‌ راگه‌یاند: بەیانی ئەمڕۆ دووشه‌ممه‌ (9ی كانوونی یه‌كه‌می 2013) تەرمی ژن‌و پیاوێك لەناو ئۆتۆمبیلەكەیاندا له‌نزیك پێشه‌نگای ئۆتۆمبێل (علوجه‌كان) له‌ نزیك تاسڵوجه‌ دۆزرانەوە، كە سه‌عات 12ی شه‌وی رابردوو به‌ فیشه‌ك كوژراون.

وتیشی: \""ژن و پیاوه‌كه‌ خه‌ڵكی ناوچه‌ی شارباژێڕن و خاوه‌نی دوو منداڵن، به‌ڵام تائێستا چاره‌نووسی منداڵه‌كان نادیاره‌\"".

راشیگه‌یاند: تا ئێستا هۆكاری كوژرانەكەیان نازانرێت، تەنیا ئەوە نەبێت، كە بەفیشەك كوژراون‌.

لە لایەکی دیکەوە، سه‌رچاوه‌یه‌ك له‌ سه‌نته‌ری هه‌ماهه‌نگی سلێمانی به‌ (خه‌ندان) ی راگه‌یاند: پیاوه‌كه‌ ناوی سادق عومه‌ر، له‌ دایكبووی ساڵی 1970یه‌ پیشه‌ی كرێكاره‌، ژنه‌كه‌ی ناوی ئاڵتوون محه‌مه‌د، ئه‌ویش له‌ دایكبووی 1970یه‌، هه‌روه‌ها ئۆتۆمبێله‌كه‌یان له‌ جۆری کرۆسيدای ره‌نگی مارۆنییه‌ و ژماره‌كه‌ی به‌غدایه‌، له‌ پشتی پێشه‌نگای ئۆتۆمبێلی علوجه‌كانه‌وه‌ كوژراون، ماڵیان له‌ شه‌هیدانی زه‌رگه‌ته‌یه‌.

راشیگه‌یاند: ئه‌و ژن و پیاوه‌ خاوه‌نی كچ و كوڕێكن، به‌ڵام له‌گه‌ڵیاندا نه‌بوون، چاره‌نووسیان نادیاره‌.




خه‌ندان"