چەند ڕۆژێکی کەمی ماوە بۆ ڕۆژی جیھانی کەم ئەندامانی جیھان کە بەروارەکەی سێ مانگی داھاتووە ،کەم ئەندامانی ھەرێمی کوردستان بڕیاریانداوە ئەگەر بێت حکومەت خواستەکانیان تاکو ئەو بەروارەجێبەجێ نەکات ئەوا ئەمساڵیش ھاوشێوەی ساڵی ڕابردوو پێشوازی لەو یادە ناکەن و بەرزی ڕاناگرن،داواکاری کەم ئەندامانیش خۆی دەبینێتە لەجێبەجێ کردنی یاسای ماف و ئیمتیازاتی کەم ئەندام و زیادکردنی مووچەی کەم ئەندامان و خەرجکردنی پارەی زیادەی دوو ساڵی ڕابردوویان.


لای خۆیەوە عومەر کەریم،سەرۆکی مەڵبەندی گشتی سلێمانی یەکێتی کەم ئەندامانی کوردستان بە ئاژانسی پەیامنێری ڕاگەیاند:\"ئەگەر بێت تاکو ڕۆژی ٣ی مانگی داھاتوو وەڵامی برواپێکەرمان نەدەنەوە ئەوا ھەموو ئەگەرەکان لەبەردەممان کراوە دەبێت\"".

گووتیشی:\""لەجیھاندا لە ڕۆژی کەم ئەنداماندا چەندین خزمەتی نوێ پێشکەشی کەم ئەندام دەکرێت بەڵام لێرە مافەکانی خۆشمان نادەنێ\"".

ماوەی دوو ساڵ زیاترە،لەپەرلەمانی ھەرێمی کوردستان پڕۆژە یاسای ماف وئیمتیازاتی کەم ئەندامان و خاوەن پێداویستی تایبەت دەنگی لەسەر دراوەو پەسەند کراوە،بەڵام کابینەی حەوتەمی ھەرێم بەبیانووی تەرخان نەکردنی بووجەوە ئەو یاسایەی جێبەجێ نەکردوە،بۆیە سەرجەم ڕێکخراوە کەم ئەندامی و خاوەن پێداویستیە تایبەتیەکان داوا لەکابینەی ھەشتەم و دەکەن لە بودجەی سالی داھاتوو بڕێک بودجە تەرخان بکەن بۆ ئەو یاسایە،ھۆشداریش دەدەن ئەگەر تاکو ڕۆژی ٣ کانوونی یەکەم وەڵامی بڕواپێکەر نەدرێنەوە ئەوا ھەموو ئەگەرەکان لەبەردەمیان کراوە دەبێت."