ژمارەیەك چەكداری نەناسراو چەند رۆژێك پێش ئێستە لەگەڕەكی غەرناتەی شاری كەركوك منداڵێك بۆ شوێنێكی نادیار دەرفێنن و پاشان بەبڕی 40000 هەزار دۆلار ئازادی دەكەن.
لەمبارەیەوە سەرچاوەیەك لەبەرێوەبەرایەتی پۆلیسی شاری كەركوك لەلێدوانێكیدا راگەیاند: لەئەنجامی گەڕان و پشكنیندا دەوریەكانی پۆلیسی فریاكەوتن لەنزیك بینای كۆنی ئەكادیمیا لەگەڕەكی خەزرای شاری كەركوك ئەو منداڵەی كەوا چەند رۆژێك پێش ئێستە لەگەڕەكی غەرناتەی شاری كەركوك لەلایەن ژمارەیەك چەكدارەوە رفێنرابوو و منداڵەكەش ناوی (عەلی ئەحمەد)ە دۆزیانەوە.
گوتیشی: دواتر ئەو منداڵە رادەستی كەسوكارەكەی كرا و ئاشكرابوو كەوا ئەو منداڵە لەبەرامبەر وەرگرتنی بڕی 40000 هەزار دۆلار لەكەسوكارەكەیانیان وەرگرتوە و كوڕەكەیان ئازاد كردووە.