سەرۆكی هەرێمی كوردستان پێشوازی لە لەیلا زانا دەكات
لە دیدارێكدا خاتوو لەیلا زانا خۆشحاڵیی خۆی بۆ دیدار لەگەڵ سەرۆك بارزانی نیشاندا. لەو دانیشتنەدا پڕۆسەی ئاشتی لە توركیا خرایە بەر باس و گفتوگۆ و قسە لەسەر ئەو ڕێگەیانە كرا كە دەبنە هۆی پتەوتربوون و بەرەوەپێشەوەچوونی پڕۆسەی ئاشتی لە توركیا و هەردوو لا جەختیان لە گرنگی و بایەخی ئاشتی كردووە و بە تاكە ڕێگەی چارەسەری كێشەكانیان لەقەڵەمدا. هەر لەو دیدارەدا بارودۆخی ناوچەكە و پێگە و كاریگەریی هەرێمی كوردستان لەسەر پێشهاتەكان و چارەسەری گرفتەكان تاوتوێ كرا.
قسەكردن لەسەر یەكخستنەوەی ناوماڵی كورد و بایەخی یەكێتی و یەكدەنگیی هێزە كوردییەكان لە پرسە نەتەوەیی و چارەنووسسازەكاندا تەوەرێكی دیكەی دانیشتنەكە بوو.
