حكوومەتی هەرێمی كوردستان رێككەوتنی بەرایی نێوان ئێران و گرووپی (5+1) بە هەنگاوێكی ئەرێنی دەزانێت و، هیواخوازە دەستپێكێك بێت بۆ گەیشتن بە رێككەوتننامەیەكی كۆتایی نێوان هەردوولا لە پێناو ئاشتی و سەقامگیری ناوچەكە.

دەقی بەیاننامەكەكەی حكوومەتی هەرێمی كوردستان كە ماڵپەڕی فەرمیی حكوومەتی هەرێم بڵاوی كردووەتەوە:

\"حكوومەتی هەرێمی كوردستان پێشوازی لە رێكەوتنی بەرایی نێوان كۆماری ئیسلامی ئێران و گروپی ( 5+1 ) ئەمەریكا، بەریتانیا، فەڕەنسا، رووسیا، چین، ئەڵمانیا دەكات و بە هەنگاوێكی ئەرێنی دەزانێت.

حكومەتی هەرێم هیواخوازە رێكەوتننامەی بەرایی جنێف كە پەیوەستە بە بەرنامەی ناووكی كۆماری ئیسلامی ئێران، دەسپێكێك بێت بۆ گەیشتن بە رێكەوتننامەیەكی كۆتایی نێوان هەردوولا لە پێناو ئاشتی و سەقامگیری ناوچەكە. "