ئەمڕۆ بە ئامادەبوونی ژمارەیەکی بەرچاو لە ئافرەتانی چالاک لە ناوەوە و دەرەوەی وڵات، لە شاری سلێمانی رێکخراوی ئارت رۆڵ دەستی کرد بە کارەکانی سێیەمین کۆنفڕانسی نێودەوڵەتی ئافرەتان، واش بڕیارە کۆنفڕانسەکە ماوەی دوو رۆژ بەردەوام بێت، تێیدا چەندین بابەتی کلتوری و رۆشنبیری پێشکەش بکرێت.


سەرپەرشتیاری کۆنفڕانسەکە \"عەدالەت گەرمیانی\"" بە ئاژانسی پەیامنێری راگەیاند: \""دەمانەوێت لایەنە ئەرێنی و نەرێنیەکانی دۆزی ئافرەت لە هەرێمی کوردستان بگەیەنین بە ناوەوە و دەرەوەی وڵات.\""

عەدالەت گەرمیانی گوتی: \""تەنها نامانەوێت باس لە لایەنە نەرێنیەکانی دۆزی ئافرەت بکەین لە کۆمەڵگەی کوردی بەڵکو دەمانەوێت لایەنە ئەرێنیەکانیشی بخەینە بەر باس و گفتوگۆ.\""

وابڕیارە دوای کۆتایی هاتنی کارەکانی سێیەمین کۆنفڕانسی نێودەوڵەتی ئافرەتان، هەمان کۆنفڕانس لە شاری کەرکوک بەڕێوەبچێت، سازکردنی ئەم کۆنفڕانسەش ئەمڕۆ لە شاری سلێمانی هاوکاتە لەگەڵ ساڵڕۆژی بەگژدا چوونەوەی توندوتیژی دژی ئافرەتان."