سه‌باره‌ت به‌ واژۆكردنى گرێبه‌ستى نه‌وتى له‌گه‌ڵ هه‌رێمی كوردستان، ته‌نه‌ر یڵدز وه‌زیرى وزه‌ى توركیا رایگه‌یاند كه‌ به‌ پشت به‌ستن به‌ بڕگه‌ و بڕیاره‌كانی یاسای تایبه‌ت، چه‌ندین گرێبه‌ستیان له‌گه‌ڵ هه‌رێمی كوردستان واژۆكراوه‌، ئه‌مه‌ش ته‌نیا هی ئه‌مڕۆ نییه‌، به‌ڵكو 39 گه‌وره‌ كۆمپانیای 19 وڵات ئه‌و جۆره‌ گرێبه‌ستانه‌یان ئیمزا كردووه‌ و ماوه‌ى چوار تا پێنج ساڵه‌ ئه‌و كۆمپانیایانه‌ له‌ هه‌رێمى كوردستان كار ده‌كه‌ن و توركیا ته‌نیا نییه‌ .

د پرێس كۆنفرانسه‌كه‌ هه‌ڤبه‌ش ده‌ دگه‌ل وه‌زیرێ ئه‌نه‌رژیا ئه‌مێركایێ ل ئیسته‌نبۆلێ، یه‌ڵدز ئه‌شكه‌ره‌ كر كو د كۆنفرانسا ئه‌تلانتیكێ ده‌ گفتوگۆ لدور باندۆرێن ئابوورى لسه‌ر هه‌ڤدوو هاتیه‌ كرن و، گه‌هانه‌ وێ ئاستێ كو دكارن ژ ئالیێ ئه‌نه‌رژى و ته‌كنۆلۆژیێ ڤه‌ ته‌ڤى ئه‌مێركایێ هن پرۆژه‌كتێن هه‌ڤبه‌ش بجه بكن.

یه‌ڵدز د به‌شه‌كه‌ دی یا ئاخفتنێن خوه‌ ده‌ ته‌كه‌ز كر كو ژبۆ نۆرمال كرنه‌ڤا ره‌وشا عێراقێ و بلندكرنا ئاستا داهاتێ عێراقێ، پێویسته‌ پرۆژه‌كتێن جدا بێنه‌ پێشكێش كرن و ئه‌و پرۆژه‌كتێن كو تێن بجه كرن، پێویسته‌ د چارچۆڤا ده‌ستورا عێراقێ ده‌بن و، ته‌ڤایا وان په‌یمانێن كو د ناڤبه‌را هوكومه‌تا تركیێ و هوكومه‌تا هه‌رێما كوردستانێ و كه‌رتا تایبه‌ت یا هه‌ردووئالیان ده‌ هاتینه‌ ئیمزه‌ كرن، ب نۆرمال كرنه‌ڤا ره‌وشا عێراقێ ڤه‌ گرێداینه‌.