ره‌جه‌ب ته‌ییب ئه‌ردۆغان سه‌رۆك وه‌زیرانى توركیا به‌رگرى له‌وه‌ ده‌كات كه‌ ناوى كوردستانى له‌ میانى وتاره‌كه‌یدا له‌ شارى ئامه‌د به‌كار هێناو ره‌خنه‌ى پارته‌ نه‌ته‌وه‌ په‌رسته‌كانى توركیاشى ره‌ت كرده‌وه‌ و پێى راگه‌یاندن : با سه‌یری تۆماره‌كانی په‌رله‌مان بكه‌ن و له‌وێ ناوی كوردستان ببینن .

پشتى كو رۆژا شه‌میا ده‌رباسبوویی سه‌رۆك وه‌زیرێ تركیێ دچارچۆڤا گوتارا خوه‌ ده‌ كو د رێوره‌سمه‌كه‌ مه‌زنا جه‌ماوه‌رى ده‌ ب به‌شداری و ئاماده‌بوونا برێز مه‌سعود بارزانى سه‌رۆكێ هه‌رێما كوردستانێ پێشكێش كر و ناڤێ كوردستانێ ئانى، پارتێن نه‌ته‌وه‌ په‌رست یێن ترك یێن وه‌كه‌ پارتیا گه‌ل یا كۆمارى یا جه‌هه‌په‌ و پارتیا نه‌ته‌وه‌ په‌رست یا مه‌هه‌پێ ره‌خنه‌ ل ئه‌ردوگان گرت، لێ وه‌كه‌ ئاژانسا ئه‌نه‌دۆل یا نووچه‌یان به‌ڵاڤكر، ئه‌ردوگان د چارچۆڤا جڤینا فراكسیۆنا ئاكپارتیێ ده‌ ل پارله‌مێنتا تركیێ به‌رسڤا وان ره‌خنه‌یان دا كو ب سه‌ده‌ما په‌یڤا كوردستان ل وى هاتبوون گرتن و راگه‌هاند بلا جه‌هه‌په‌ و مه‌هه‌په‌ ته‌ماشه‌ى تۆمارێن پارله‌مێنتێ بكن و ل وێ ده‌رێ ناڤێ كوردستانێ ببینن. سه‌رۆك وه‌زیرێ تركیێ راگه‌هیاند ژى خه‌یالا مه‌ ژبۆ نه‌گریانا ده‌یكان هاته‌ بده‌ست خستن و هه‌یاما یه‌ك سالیێ یه‌ دایك ناگرین.

ل دیاربه‌كر هێستر ژبۆ ئێش و ژانان نه‌ هاتنه‌ رێتن، لێ هێسترێن شادى و خۆشیێ رژیان ،توو وه‌ڵات ژى ب كه‌رب و كینه‌یان مه‌زن و ب هێز نابه‌ و هن كه‌س دخوازن سونده‌كه‌ هه‌شتێ سالى بكن دیرۆكه‌كه‌ هه‌زار سالى، تركیێ وه‌ڵاته‌ك نییه‌ كو ژ ناڤ و په‌یڤ و نه‌خشه‌یان بترسه‌. هه‌ر ل دۆر بكارئانینا په‌یڤا كوردستان، سه‌رۆك وه‌زیرێ تركیێ راگه‌هاند مسته‌فا كه‌مال ئه‌تاتورك و پارله‌مێنتارێن یه‌كه‌م یێن پارله‌مێنتا تركیێ ژى په‌یڤا كوردستان ب كارئانیه‌، باشه‌ ئه‌تاتورك و پارله‌مێنتارێن یه‌كه‌م یێن پارله‌مێنتێ ژى جداخوازبوونه‌؟. ئه‌ردوگان خوه‌یا ژى كر كو ناڤێ ده‌ڤه‌رێن باشوور و باشوورێ رۆژهه‌لاتا ئه‌نادۆلێ كوردستان بوو و تركیێ توو مفا ژ قه‌ده‌غه‌كرنان نه‌ دیت.