وته‌بێژی كۆمه‌لی ئیسلامی كوردستان ئاشكرایكرد، بڕیاره‌ سبه‌ی نێچیرڤان بارزانی له‌ شاری هه‌ولێر سه‌ردانی كۆمه‌لی ئیسلامی بكات له‌ باره‌ی پێكهێنانی كابینه‌ی هه‌شته‌می حكوومه‌تی هه‌رێمی كوردستان، ئاماژه‌ی به‌وه‌شكرد، هیچ رێككه‌وتنێك نییه‌ بۆ ئه‌وه‌ی هه‌رسێ لایه‌نی ئۆپۆزسیۆن به‌یه‌كه‌وه‌ به‌شداری له‌ حكوومه‌ت بكه‌ن.

محه‌مه‌د حه‌كیم په‌یڤدارێ كۆمه‌له‌یا ئیسلامى یا كوردستانێ ب سایتا كه‌ى دی پی راگه‌هاند؛ بریار ئه‌وه‌ سبه‌هى شاندا دانوستانكارى یا پارتى یا ده‌موكراتا كوردستانێ ب سه‌رۆكاتیا نێچیرڤان بارزانى سه‌رى ل كۆمه‌له‌یا ئیسلامى ل باژێرێ هه‌ولێرێ بخینه‌، ژبۆ گفتوگۆكرنێ لدور پرسا پێكانینا كابینه‌تا هه‌شته‌م یا هوكومه‌تا هه‌رێما كوردستانێ.

محه‌مه‌د حه‌كیم گۆت ژى، مه‌ توومه‌رجێن به‌روه‌ختی ژبۆ پێكانینا هوكومه‌تا هه‌رێما كوردستانێ نینه‌ ژبۆ گفتوگۆكرنێ ته‌ڤى شاندا پارتى، لێ ئه‌م ب وێ یه‌كێ ره‌ینه‌ كوكابینه‌تا نووژ هه‌رپێنج ئالیێن سه‌ره‌كه‌ پێكبێ و پشتره‌ به‌شدارى ب ئالیێن دن ژى بێته‌ كرن.

ناڤهاتى خوه‌یا ژى كر؛ مه‌ هه‌رسێ ئالیێن ئۆپۆزسیۆنێ هه‌ریه‌ك ژ مه‌ شاندا دانوستانكارى یا خوه‌ هه‌یه‌، لێ پشتى چار سالێن كاركرنا ب هه‌ڤره‌ ئه‌م لسه‌ر هه‌ژماره‌كه‌ بنگه‌هان لهه‌ڤ هاتینه‌، كو دیتن و نه‌رینێن هه‌ڤبه‌ش د ناڤبه‌را مه‌ ده‌ هه‌نه‌ لسه‌ر وێ یه‌كێ گه‌لۆ هوكومه‌تا بێ ب تووئاواكى به‌، لێ توو ل هه‌ڤهاتن نینه‌ كو ئالیێن ئۆپۆزسیۆنێ به‌شداریێ دهوكومه‌تا بێت ده‌ بكن.