له‌ دوای كۆبوونه‌وه‌ی نێوان پارتی دیموكراتی كوردستان و یه‌كێتی نیشتمانی كوردستان، ئێستا له‌ سلێمانی به‌رێزان نێچیرڤان بارزانی و دكتۆر به‌رهه‌م سالح كۆنگره‌یه‌كی رۆژنامه‌نووسیان سازداو رایانگه‌یاند كه‌ پابه‌ندی رێككه‌وتنی ستراتیژیین و هیچ لایه‌كیش له‌ پێكهێنانی كابینه‌ی نوێ په‌راوێز ناخرێت.

له‌م كۆنگره‌ رۆژنامه‌وانییه‌دا كه‌ ئه‌مڕۆ دوای كاتژمێر 2ی دوای نیوه‌ڕۆ به‌سترا، نێچیرڤان بارزانی جێگری سه‌رۆكی پارتی دیموكراتی كوردستان به‌ رۆژنامه‌نووسانی راگه‌یاند، پارتی پابه‌نده‌ به‌رێككه‌وتنی ستراتیژی و ده‌ستپێكردنی كۆبوونه‌وه‌ش به‌مه‌به‌ستی پێكهێنانی كابینه‌ی نوێ له‌گه‌ڵ یه‌كێتی له‌ رووی دیموكراسییه‌وه‌ په‌یوه‌سته‌ به‌ لێكنزیكی به‌رنامه‌ی لایه‌نه‌كان و هیچ لایه‌كیش په‌راوێز ناخرێت له‌ پێكهێنانی كابینه‌ی نوێدا.

هه‌روه‌ها رایگه‌یاند كه‌ پارتی دیموكراتی كوردستان و یه‌كێتی نیشتمانی كوردستان رێككه‌وتوون له‌سه‌ر ئه‌وه‌ی 30 نیسانی 2014 بكرێته‌ واده‌ی هه‌ڵبژاردنی پارێزگاكانی هه‌رێمی كوردستان.