پاش ئەوەی لەسەر بانگهێشتی فەرمیی ڕەجەب تەیب ئەردۆگان سەرۆكوەزیرانی توركیا مەسعود بارزانی سه‌رۆكی هه‌رێمی كوردستان سەردانێكی دوو رۆژەی بۆ شاری ئامەدی باكووری كوردستان كردبوو، ئێوارەی ئەمڕۆ گەڕایەوە هەرێمی كوردستان.



لەو سەردانەدا سەرۆك بارزانی چاوی بە سەرۆكوەزیرانی توركیا و گەورە بەرپرسانی ئەم وڵاتە كەوت و بەشداری كۆبوونەوەیەكی بەرفراوانی جەماوەری و هەروەها كردنەوەی چەند پڕۆژەی فەرهەنگی و خزمەتگوزاریی شاری ئامەد بوو.

لە رۆژی دووەمی دیدارەكەیدا سەرۆك بارزانی سەردانی شارەوانیی گەورەی ئامەدی كرد و لەگەڵ ئۆسمان بایدەمیر سەرۆك شارەوانیی ئامەد كۆبوویەوە و دوای دانیشتنێك پڕێسكۆنفڕانسێكی هاوبەشیش ساز درا.