بڕیارە لەئایندەیەكی نزیكدا پرۆژەی دروستكردنی چەند یەكەیەكی نیشتەجێبیوون لەقەزای داقوقی سەر بەپارێزگای كەركوك بخرێتە بواری جێبەجێكردنەوە و سەرجەم ئەو یەكانەش بەسەر خێزانە كەمدرامەتەكانی قەزاكەدا دابەش دەكرێت.

ئەحمەد عەلی قایمقامی قەزای داقوق رایگەیاند: لەئایندەیەكی نزیكدا پرۆژەی دروستكردنی 40 یەكەی نیشتەجێبوون لەقەزای داقوق دەخرێتە بواری جێبەجێكردنەوە و ئەو پرۆژەیەش لەسەر بودجەی وەزارەتی ئاوەدانكردنەوە و نیشتەجێكردنی عێراقەوە ئەنجام دەدرێت.

وتیشی: دوای تەواوكردنی ئەو یەكانە سەرجەمیان بەشێوەی تیروپشك بەسەر خێزانە كەمدرامەتەكانی قەزای داقوقدا دابەش دەكرێت و بەدروستكردنی ئەو یەكانە و هەروەها دابەشكردنی بەسەر خەڵكانی كەمدرامەت و كرێنشیناندا ئەوا تا رادەیەك كێشەی كرێنشینی و نیشتەجێبونمان بۆ چارەسەر دەكات لەقەزاكەدا.