له‌ سه‌عدییه‌ له‌ ئاكامى هێرشێكى خۆكوژى 45 كه‌س كوژران. له‌ مباره‌یه‌وه‌ ئه‌حمه‌د زه‌ردوشی به‌ڕێوه‌به‌رى شاره‌دێى سه‌عدییه‌ به‌ كوردستان تى ڤى راگه‌یاند ژماره‌ى قوربانیانى هێرشه‌ خۆكوژیه‌كه‌ى گوندى عه‌سریه‌ى سه‌ربه‌ شاره‌دێى سه‌عدییه‌ گه‌یشته‌ 45 كوژراو و 105 بریندار.

له‌لایه‌كى دیكه‌ له‌ ئاكامى ته‌قینه‌وه‌ى دووبۆمبى چێندراو له‌ كوت 7 كه‌س كوژران. له‌ مباریه‌وه‌ سه‌رچاوه‌یه‌ك له‌ پۆلیسى پارێزگاى واست رایگه‌یاند به‌ره‌به‌یانى ئه‌مڕۆ له‌ ئه‌نجامى ته‌قینه‌وه‌ى 2 بۆمبى چێندراو كه‌ رێڕۆیشتنى شیعه‌كانى له‌ باكورى كوت كرده‌ ئامانج 7 كه‌س كوژران و 25 كه‌سى دیكه‌ش برینداربوون. ئه‌مه‌ش له‌ كاتێكدایه‌ كه‌ شیعه‌كان یادى عاشورا له‌ ده‌ى موحه‌ره‌مى هه‌موو ساڵیك ده‌كه‌نه‌وه‌.

له‌لایه‌كى دیكه‌وه‌ له‌ موسڵ له‌ ئاكامى ته‌قاندنه‌وه‌ى 3 خانوو كه‌سێك كوژراو 7ى دیكه‌ش برینداربوون. له‌ مباره‌یه‌وه‌ سه‌رچاوه‌یه‌ك له‌ پارێزگاى نه‌ینه‌وا رایگه‌یاند به‌ره‌به‌یانى ئه‌مڕۆ له‌ باشوورى موسڵ له‌ ئه‌نجامى ته‌قاندنه‌وه‌ى 3 خانوو به‌ بۆمبى چێندراو كه‌سێك كوژراو 2 ئافره‌ت و 5 منداڵى دیكه‌ش برینداربوون. هاوكات سه‌رچاوه‌كه‌ى پۆلیس ئاماژه‌ى به‌وه‌شكرد ئه‌و خانوانه‌ى ته‌قێندراونه‌تنه‌وه‌ بۆ خاوه‌نه‌كانیان پۆلیس و سه‌ربازن.