پاش ئەوەی وەزارەتی دارایی حكوومەتی هەرێم بڕیاریدا، ئەو فەرمانبەرانەی گرێبەستی كاتین بۆیان دەكرێتە هەمیشەیی بەو مەرجەی سێ ساڵ خزمەتیان هەبێت، لەبەرامبەردا كەمپینی \"گرێبەستی كاتی و 12كاتژمێركاركردن و 6رۆژگار لە هەفتەیەك، تاوانێكی نامرۆییە\"" داوا لە وەزارەتی دارایی دەكەن مەرجی خزمەت لابدات یان كەمیبكاتەوە و هەروەها بریارەكە كرێكاری كۆمپانیاكانی نەوت و گازیش بگرێتەوە.

لەوبارەیەوە ئەندامی كەمپینی\""گرێبەستی كاتی و 12كاتژمێركاركردن و 6رۆژگار لە هەفتەیەك، تاوانێكی نامرۆییە\"" سەلام عەبدولا بە ئاژانسی هەواڵی پەیامنێری ڕاگەیاند؛ دەستخۆشی لە بڕیاری دامەزراندنی كارمەندانی گرێبەستی كاتی دەكەین كە یەكێكە لە داخوازییە سەرەكییەكانی كەمپینەكەمان، بەڵام دیاریكردنی مەرجی خزمەتكردنی 3 ساڵ بۆ ئەوەی كارمەندی گرێبەستی كاتی بكرێت بە كارمەندی هەمیشەیی، نەك هەر پێویست نییە، بەڵكو ماوەی 3 ساڵ زۆریشەو حكومەت ئەبێ ئەركی خۆشگوزەرانی كۆمەڵایەتی هاووڵاتیان بەجدی لەئەستۆبگرێت.



سەلام عەبدوڵا لەو بارەیەوە نموونە دەهێنێتەوە و ڕایدەگەیەنێت، لە ووڵاتێكی وەكو ئەڵمانیا خزمەتی یەك یان دوو ساڵ دیاریكراوە بۆ دامەزراندنی هەمیشەیی.

وتیشی، داوادەكەین ئەو ماوەیە كەمبكرێتەوە و كارمەندی كاتی زۆرتر لە بڕیارەكە سودمەندببن و ئەم بڕیارە هەموو كرێكارەكانی كۆمپانیەكانی \""نەوت و گاز\""یش بگرێتەوە."