سەرچاوەیەك لە پۆلیسی پارێزگای موسڵ رایگەیاند: بەرە بەیانی ئەمڕۆ لە سەنتەری شاری موسڵ ژمارەیەك چەكداری نەناسراو دەسترێژی گوولە لە هاووڵاتیەكی كورد دەكەن و لە ئەنجامدا شەهید دەبێ.

سەرچاوەكە روونیكردەوە، چەكدارەكان لە ناو ئۆتۆمبێلێكی جۆری ئۆپڵ دابوونەو زانیارییەكان ئەوە دەردەخەن كە 3 كەسی تێیدا بووە.

راشیگەیاند: ئەو هاووڵاتیە كوردە تەمەنی 40 ساڵانەو چەند ساڵێكە لە پارێزگای موسڵ كار دەكەن و خاوەنی دوو منداڵیشە، دوای رووداوەكەش چەكدارەكان بۆ شوێنێكی نا دیار رایانكردووەو تەرمەكەش رەوانەی نەخۆشخانە كراوە.