ئیبراهیم خهلیل... پتر ژ سێ هزار تهنێن كهرهستهیان هاتینه ژناڤبرن و زڤراندن
بهرپرسێ راگههاندنا كومهلگهها دهروازێ نێڤدهولهتیێ ئیبراهیم خهلیل، نهجمهددین نێروهیی، ب ئاژانس و رادیۆیا پهیامنێر راگههاند، د ههیڤا چریا ئێكێ یا ئهڤ ساله وهكو ههموو ههیڤێن دی، كۆمهكا كهرهستهیان كۆ ب ئهگهرێن ژێكجودا هاتینه ژناڤبرن و زڤراندن بۆ ئهو جهێ كهرهسته ژێ هاتین.
نێروهیی دیار كر، سهرجهمێ سێ هزار و 46 تهن و 561 كیلویێن كهرهستهیان ل گشت خالێن كومهلگهها دهروازێ نێڤدهولهتی ئیبراهیم خهلیل هاتینه ژناڤبرن و زڤراندن، كۆ پتریا وان ژ لایێ گهرهنتینا چاندنێ ڤه هاتینه ژناڤبرن و زڤراندن و ب ڤی رهنگی گهرهنتینا فیتهرنهری رابوون ب زڤراندنا 46.368 تهن ژ گوشتێ مریشكێ و شیرێ هشك و ژناڤبرنا دوو تهنێن گوشتێ مریشكێ.
بنگههێ ساخلهمیێ رابوون ب زڤراندنا 696 تهن و 499 كیلویێن كهرهستهیێن ئار، توڤ چا، هێك، شهربهت، ...هتد، ههروهسا رابوون ب ژناڤبرنا 37 تهن و 23 كیلویێن كهرهستهیێن چكلێت، زهیتون، چهرهزات، مێویژ، هێك، ....هتد، و كونترۆلا جوری ژی رابووینه ب زڤراندنا 257 تهن و 30 كیلویێن كهرهستهیێن پاقژكهر، جوانكاری، كاشیێ سیرامیك، ....هتد، و ههروهسا شیاینه 8 تهن و 550 كیلویێن كهرهستهیێن پاقژكهر، سابین، روینێ ماكینا، .....هتد، ژناڤ ببهن.
تاقیگهها كهرهستهیێن ئاڤاهیان ژی شیاینه 16 تهن و 180 كیلویێن بۆیاغێ ب زڤرینن، و گهرهنتینا چاندنێ ژی رابووینه ب زڤراندنا 1557تهن و 300 كیلویێن كهرهستهیێن پتات، گهنم، گویز و فێقی، ههروهسا شیان 325 تهن و 990 كیلویان ژی ژناڤ ببهن.
